Servings:
Preparation Time:
0.75 hours
Ingredients Cooking Instructions
Compost. Take rote of persel, of pasternak, of rafens, scrape hem and waische hem clene. Take rapes & caboches, ypared and icorue. Take an erthen panne with clene water & set it on the fire; cast alle þise þerinne. Whan þey buth boiled cast þerto peeres, & parboile hem wel. Take alle þise thynges vp & lat it kele on a faire cloth. Do þerto salt; whan it is colde, do hit in a vessel; take vyneger & powdour & safroun & do þerto, & lat alle þise thynges lye þerin al nyyt, oþer al day. Take wyne greke & hony, clarified togider; take lumbarde mustard & raisons coraunce, al hoole, & grynde powdour of canel, powdour douce & aneys hole, & fenell seed. Take alle þise thynges & cast togyder in a pot of erthe, & take þerof whan þou wilt & serue forth.
Source:
Forme of Cury
